وصفة للقرع العسلي

النهارده عامله لكم احلي طبق حلو باحبه

صينية القرع بالبشاميل



طعمها مممممممممم

راااااااااااااااااااائع

المهم من غير كتر كلام ندخل في الموضوع

بنجيب القرع العسلي بنقشرها و نقطعها
و نضعها في اناء علي النار مع:
- 2 كوب سكر
- 1/2 كوب ماء
- 2 ملعقة سمن او زبدة



و غطي الاناء لمدة 10 - 15 دقيقة مع التقليب من آن لآخر

بس انتبهي انك تسيبيه لحد ما يبقي طري بس لأنك لو سيبتيه يتهري ها يبقي عبارة عن الياف فقط

ها تلاقي القرع نزل ميه كتير زي ما انتوا شايفين في الصورة



بعدين نصفي القرع من المياه (بس احتفظي بالماء لأستخدامه في البشاميل)

و ضعي القرع في صينية مدهونه و اهرسيه و رشي عليه جوز هند



و دلوقت نعمل البشاميل:

المقادير:
- 3 ملاعق زبدة او سمن
- 3 ملاعق دقيق
- ملعقة نشا
- 2 كوب حليب سائل
- فانيليا
- الماء المتبقي من سلق القرع
- سكر حسب الرغبة

نضرب جميع المكونات بالخلاط و نضعهم علي النار مع التقليب حتي نحصل علي السمك المطلوب

نضيف البشاميل علي القرع مع دهن الوجه بالقشطة



و يدخل الفرن علي درجة 240 لمده 25 دقيقة

ثم يشعل الفرن من الأعلي حتي احمرار الوجه



و يقدم بارد



و بالهنا و الشفا

أتمني يكون الطبق عجبكم و مستنيه ردودك الجميلة